بیر آزجادا ویرانه قالان داخمـــــــــــــادا قال گئت
سنسیز گوزومـــون نوری دوشوب الدن ، اَیاقدان
بیر یول گئری دؤن سئوگیمیزی یادیوه سال گئت
فرش ائیله‌میشم خاطره‌می پیلّه‌لر اوستــــــــه
توزقون خیالی خالچا کیمین بیر کــــره چال گئت
عکسون نه قَدَر تاقچــــــــــادا توزلانسین عزیزیم
میسماریلـــه تصویریوی گل سینه مه چال گئت
من عؤمرومو تقدیم ائله‌دیم عشقیـــــــــوه بوردا
بیر دفعه‌ده سن بیر گئجه‌لیک بوردا قوجال گئت
یانمیش جانیمـــــــا یاغمادین آمما من اولوم گل
هردن بو سوسوزلار باشینا سایه‌وی سال گئت